ڕێنمایی چاودێری عەدەسەی چاو
هەنگاوە ئاسانەکان بۆ پاراستنی چاوەکانت و ئارامی عەدەسەکان
کۆمەڵێک ڕێنمایی هەنگاو بە هەنگاو پێشکەش دەکەین بۆ دانان و لابردنی عەدەسەی چاو بە سەلامەتی. ئەم ڕێنماییانە بە وردی جێبەجێ بکەن بۆ پاراستنی تەندروستی چاوەکانتان.
پێش دەستپێکردن: پاکوخاوێنی کەسی
شۆردنی باشی دەستەکان
- دەستەکانت بە ئاو و سابوون بشۆ بۆ ماوەی ٢٠-٣٠ چرکە بەلایەنی کەمەوە.
- سابوونێک بەکاربهێنە کە بێ بۆن و بێ زیت بێت، بۆ ئەوەی هیچ ماددەیەک بە عەدەسەکەوە نەنوسێت.
وشککردنەوەی دروست
- دەستەکانت بە خاولییەکی پاک و بێ پرز وشک بکەرەوە.
- کلێنکس یان قوماشێک بەکارمەهێنە کە پرز لەسەر دەست جێدەهێڵێت، چونکە دەکرێت بە عەدەسەکەوە بنووسێت.
پێش دانانی عەدەسە
- پێش دانانی عەدەسە کرێم یان ماکیاژ بەکارمەهێنە، تا هیچ ماددەیەک بگوازرێتەوە بۆ عەدەسەکە.
- دڵنیابە نینۆکەکانت پاک و کورتن، تا چاو یان عەدەسەکە خەش نەکەوێت.
پێش دەستدان لە عەدەسەکان دڵنیابە دەستەکانت بە تەواوی وشکن. تەڕیی دەست دەکرێت کاریگەری لەسەر جێگیربوونی عەدەسە و ئاسوودەیی چاو هەبێت.
هەنگاوەکانی دانانی عەدەسە - بەشی یەکەم
شۆردنی دەستەکان
- دەستەکانت بە ئاو و سابوون بشۆ.
پشکنینی عەدەسە
- عەدەسەکە بپشکنە و دڵنیابە پاکە و هیچ زیانێکی پێ نەگەیشتووە.
شووشتنەوە
- پێش دانان، عەدەسەکە بە محلولی نوێی تایبەت بە عەدەسە بشۆرەوە.
پشکنینی شێوەی عەدەسەکە
- عەدەسەکە بخەرە سەر سەری پەنجەت و دڵنیابە کە لێوارەکانی ڕوو لە سەرەوەن و شێوەی پیتی U دروست دەکەن.
- ئەگەر لێوارەکانی بەرەو دەرەوە بوون، ئەوا عەدەسەکە سەرەوژێرە.
هەنگاوەکانی دانانی عەدەسە - بەشی دووەم
بەرزکردنەوەی پێڵووی سەرەوەی چاو
- پەنجەکانت بەکاربهێنە بۆ بەرزکردنەوەی پێڵووی سەرەوەی چاوت بە نەرمی.
دانانی عەدەسە
- عەدەسەکە بە نەرمی بخەرە سەر بەشە سپییەکەی چاوت.
تروکاندن و جێگیرکردن
- چەند جارێک بە هێواشی تروکە بدە، تا عەدەسەکە بە ئاسوودەیی لە شوێنی خۆیدا جێگیر بێت.
هەنگاوەکانی لابردنی عەدەسە
شۆردنی دەستەکان
- دەستەکانت بە باشی بە ئاو و سابوون بشۆ و دڵنیابە لەوەی بە تەواوی وشکن پێش بەردەوام بوون.
ئامادەکردنی پێڵووەکانی چاو
- پەنجەی دۆشاوگۆت بەکاربهێنە بۆ بەرزکردنەوەی پێڵووی سەرەوە، و پەنجەی ناوەڕاستیش بۆ ڕاکێشانی پێڵووی خوارەوە بەرەو خوار.
فشارێکی کەم و نەرم
- بە سەری پەنجەی نیشاندەر و پەنجەی گەورە، عەدەسەکە بە نەرمی بگرە و لایببە.
لابردن و پاراستنی عەدەسە
- عەدەسەکە بە نەرمی لە چاوت دەربهێنە، دڵنیابە پاکە و زیانی پێ نەگەیشتووە، پاشان بیخەرە ناو محلولی نوێی تایبەت بە عەدەسە.
ئاگادارییە زۆر گرنگەکان
بە عەدەسەوە مەخەوە
- خەوتن بە عەدەسەی چاوەوە ڕێگری دەکات لە گەیشتنی ئۆکسجین بە چاوەکان و ڕەنگە ببێتە هۆی هەوکردنی مەترسیدار، مەگەر عەدەسەکە تایبەت بێت بۆ خەوتن.
دوورکەوتنەوە لە ئاوی بۆری
- ئاوی بۆری دەکرێت میکرۆبێکی تێدا بێت کە ببێتە هۆی تووشبوونی چاو. تەنها محلولی پەسەندکراوی عەدەسە بەکاربهێنە.
قەترەی شێدارکەرەوە
- قەترەی شێدارکەرەوەی تایبەت بە عەدەسە بەکاربهێنە کاتێک هەست بە وشکبوونەوە دەکەیت. قەترەی چاوی ئاسایی لەگەڵ عەدەسەدا بەکارمەهێنە.
ئەگەر هەستت بە هەر ئازارێک، سووربوونەوە، یان گۆڕانکارییەک لە بینینتدا کرد، ڕاستەوخۆ عەدەسەکە لایببە و پەیوەندی بە پزیشکی پسپۆڕی چاو بکە.
ئامۆژگارییەکانی چاودێریکردنی عەدەسە
هەڵگرتنی دروست
- قوتوویەکی پاک بەکاربهێنە.
- ڕۆژانە محلولەکە بگۆڕە.
- هەفتانە قوتووەکە پاک بکەرەوە.
- هەر ٣ مانگ جارێک قوتووەکە بگۆڕە.
گۆڕینی عەدەسەکان
- پابەندبە بە ماوەی دیاریکراوی گۆڕینی عەدەسەکە.
- دوای بەسەرچوونی ماوەی بەکارهێنان، عەدەسەکە بەکارمەهێنە.
- خشتەی کاتی گۆڕینی عەدەسەکان بپارێزە.
- عەدەسە تەنها لە سەرچاوەی باوەڕپێکراو بکڕە.
ماوەی گۆڕینی عەدەسە بەپێی جۆرەکەی: ڕۆژانە، مانگانە، ساڵانە.
چاودێریی ڕۆژانەی عەدەسە
هەموو بەیانییەک
- پێش دانان، عەدەسەکە بە محلولی تایبەت بشۆرەوە. دڵنیابە دەستەکانت پاکن و عەدەسەکە زیانی پێ نەگەیشتووە.
هەموو ئێوارەیەک
- عەدەسەکە لایببە و بە محلولی تایبەت باش بشۆرەوە. پاشان بیخەرە ناو قوتوویەکی پاک کە محلولی نوێی تێدایە.
هەموو هەفتەیەک
- قوتووەکە باش پاک بکەرەوە و بە کراوەیی جێی بهێڵە تا بە تەواوی وشک بێتەوە. محلولە کۆنەکە بە تەواوی بگۆڕە.
پابەندبە بە خشتەی چاودێریی ڕۆژانە بۆ پاراستنی چاوەکانت و دەستەبەرکردنی ئاسوودەیی بینینت. پاکوخاوێنی بەردەوام ڕێگری دەکات لە هەوکردنی چاو.
کەی پێویستە سەردانی پزیشک بکەیت؟
ئازار یان ناڕەحەتیی بەردەوام
- ئەگەر دوای لادانی عەدەسەکەش ئازاری چاو بەردەوام بوو، یەکسەر ڕاوێژ بە پزیشکی پسپۆڕی چاو بکە.
سووربوونەوە یان هەڵئاوسان
- سووربوونەوەی چاو ڕەنگە نیشانەیەک بێت بۆ بوونی هەوکردن کە پێویستی بە چارەسەری پزیشکی هەبێت.
گۆڕانکاری لە بینیندا
- هەر گۆڕانکارییەکی لەپڕ لە بینیندا یان دەرکەوتنی پەڵە پێویستە لەلایەن پزیشکەوە هەڵسەنگاندنی بۆ بکرێت.
هەستیاری بە ڕووناکی
- هەستیاریی زۆر بە ڕووناکی ڕەنگە نیشانەیەک بێت بۆ کێشەیەک کە پێویستی بە چاودێری هەبێت.
بۆ پشکنینی بەردەوامی چاوەکانت، سەردانی لقەکانی چاویلکە سازى ڕەوەند بکە.